Köben

Er komin heim frá Danmörku, þreytt en mjög ánægð. Nenni ekki að skrifa svaka ferðasögu, þeir sem eru forvitnir verða bara að heyra í mér fyrir utan netheima. Við skemmtum okkur ótrúlega vel, löbbuðum af okkur fæturna og drukkum vel af vini okkar Tuborg. Fengum bilað gott veður alla dagana, fyrir utan einn morgun sem rigndi, en þá að sjálfsögðu stytti upp um leið og við keyptum regnhlíf. Hitti fullt af fólki í Köben, bæði fólkið mitt sem býr þar og fólkið mitt sem býr hér heima. Sem sagt, snilldarferð í einu og öllu...

Nú tekur bara grár hversdagsleikinn við, vinna og vinna meira. Samt gott að vita af þriggja daga helgi um næstu helgi, sem er bara snilld. Mun nefnilega njóta þess lúxus í sumar, í fyrsta skipti í mörg ár, að eiga frí um helgar. En núna ætla ég að fara að horfa á Grey's, maður má sko ekki vera eftirá og því er bráðnauðsynlegt að ég horfi núna á þá þætti sem sýndir voru í gær...

Athugasemdir

[Ingó (IP-tala skráð) 23.5.2007 kl. 23:17]

Af hverju fékk ekki að fara með?

[joiingi (IP-tala skráð) 24.5.2007 kl. 09:02]

Það var geggjað gaman að vera með ykkur hjúunum um helgina! Það var skrýtið þegar þið fóruð þá var ekkert gaman lengur, fékk smá heimþrá! Svo tókuð þið líka góða veðrið og hafið væntanlega skilið það eftir í Færeyjum!

[Helga Dögg, 24.5.2007 kl. 22:53]

Við tókum góða veðrið með í einn dag heim, held að það hafi svo stungið af aftur til Danmerkur en þá villst til Færeyja... Við skemmtum okkur líka konunglega með ykkur danahjónum, verðum að endurtaka þetta við fyrsta tækifæri en þó án pirrandi barna í morgunsárið...