Miðvikudagur

Af hverju er ég ekki stödd einhvers staðar þar sem ég get borgað fyrir bjórinn í gvaraní, balbóa, bat eða kip?

Í staðinn fæ ég smá sýnishorn af vori fyrir síðustu helgi og svo ekkert nema rigningu og hundaskít fyrir utan hurðina hjá mér í þessari viku. Engin furða þó að það votti fyrir skammdegisþunglyndi þó það sé sólarupprás kl. 4:25 og sólarlag kl. 19:28 að meðaltali þessa dagana...

En maður má víst ekki vera bitur þegar það er bjart á morgnana og þriggja daga helgi í vændum... 

Er farin í háttinn til þess að ég nái að sofa nóg áður en grafan í næsta garði vekur mig í fyrramálið, líkt og hún hefur gert á undan vekjaraklukkunni alla þessa viku...